پیانگ چنگ (سپورٹس ڈیسک) شمالی کوریا نے اپنے ایک جرنیل کو ونٹر اولمپکس گیمز کی اختتامی تقریب میں شرکت کیلئے بھیجنے کا اعلان کر دیا ۔ جنرل کم ینگ چول شمالی کوریا کے انٹیلی جنس چیف ہیں جو گیمز کی اختتامی تقریب میں شرکت کرینگے ۔ رپورٹ کے مطابق جنرل کم جنوبی کوریا پر متعدد حملے کرانے میں ملوث ہیں ۔ جنوبی کوریا کے مطابق گیمز کے دوران شمالی کوریا اور امریکی وفد کے درمیان کوئی میٹنگ نہیں ہو گی ۔ شمالی کوریا کا وفد جنوبی کوریا میں تین دن تک قیام کرے گا۔ امکان ہے کہ اس دوران جنوبی کوریا کے صدر سے بھی ملاقات ہوگی ۔