فیول ایڈجسٹمنٹ: بجلی 3روپے 24پیسے یونٹ سستی کرنے کی منظوری
اسلام آباد(خصوصی نمائندہ) نیپرانے ماہانہ فیول ایڈجسٹمنٹ کی مد میں بجلی کی قیمتوں میں 3روپے24پیسے فی یونٹ کمی کی منظوری دے دی،صارفین کو مجموعی طور پر 27ارب روپے سے زائد کا ریلیف ملے گا ،اس کا اطلاق کے الیکٹرک، 3سو یونٹ تک بجلی استعمال کرنے والے صارفین اور کسان پر نہیں ہوگا۔ جمعرات کو نیشنل الیکٹرک پاور ریگولیٹری اتھارٹی نے سینٹرل پاور پرچیز ایجنسی کی جانب سے ماہانہ بنیادوں پر فیول ایڈجسٹمنٹ کی مد میں بجلی کی قیمتوں میں ردو بدل کی درخواست کی سماعت کی۔
