کامونکے (نامہ نگار)تیز رفتار گاڑی کی ٹکر سے موٹرسائیکل سوار میاں بیوی جاں بحق ہوگئے۔ بتایا گیا ہے کہ گزشتہ روز نواحی گاؤں کوٹ میتلا کا پچاس سالہ حاجی لیاقت علی اپنی بیوی گلشن بی بی کے ہمراہ موٹرسائیکل پر گوجرانوالہ عزیزوں کو مل کر واپس جارہے تھے کہ موڑ ایمن آباد سٹاپ پر تیز رفتار گاڑی نے بے قابو ہوکرانکی موٹر سائیکل کو ٹکر ماردی جس کے نتیجہ میں دونوں میاں بیوی زخموں کی تاب نہ لاتے ہوئے موقع پر ہی دم توڑ گئے۔ حادثہ کے بعد ڈرائیور گاڑی سمیت موقع سے فرار ہونے میں کامیاب ہوگیا۔