سکھر(حسیب شیخ) سکھر میں پرانی دشمنی کے نتیجے میں مخالفین نے گھر میں گھس کر دو خواتین سمیت 3 افراد کو قتل کر دیا۔ تفصیلات کے مطابق گڈانی پھاٹک کے علاقہ میں مخالفین نے گھر میں گھس کر فائرنگ کر دی جس سے 2 خواتنی سمیت 3 افراد جاں بحق ہو گئے۔ پولیس کا کہنا ہے کہ جاں بحق ہونے والوں میں صادق گڈانی، اس کی اہلیہ اور ایک خاتون رشتہ دار شامل ہے جب کہ واقعہ پرانی دشمنی کا شاخسانہ معلوم ہوتا ہے۔پولیس کے مطابق مقتولین کے اہلخانہ کے بیانات کے بعد ملزمان کی گرفتاری کے لئے چھاپے مارے جارہے ہیں۔