لاہور (پ ر) اولڈ اسلام پورہ جمخانہ نے راوی پارک جمخانہ کو 5 وکٹوں سے ہرا دیا۔ پہلے بیٹنگ کرتے ہوئے راوی پارک جمخانہ نے مقررہ 40 اوورز میں تمام کھلاڑیوں کے نقصان پر 285 رنز سکور کئے۔ وسیم خان نے 51 رنز کے عوض 3، اویس نے 50 رنز کے عوض 3 اور ذوالفقار بھٹی نے 19 رنز دے کر 3 کھلاڑی آؤٹ کئے۔ جواب میں سیف کی عمدہ سنچری کی بدولت اسلام پورہ نے یہ ہدف 4 اوورز پہلے حاصل کر لیا۔ سیف 110 ناٹ آؤٹ، فہد منیر 60 اور ذوالفقار بھٹی نے 70 رنز بنائے۔ فہد نے 2، عظیم اور ایوب نے 1,1 کھلاڑی کو آؤٹ کیا۔