واٹر کمشن سربراہ کا شکار پور سول ہسپتال سمیت مختلف مقامات کا دورہ
کراچی (نوائے وقت نیوز) سپریم کورٹ کی جانب سے پینے کے صاف پانی کی فراہمی کو یقینی بنانے کے لئے تشکیل کردہ واٹر کمشن کے سربراہ جسٹس (ر) امیر ہانی مسلم نے اپنی ٹیم کے ہمراہ شکارپور سول ہسپتال سمیت مختلف مقامات کا دورہ کیا۔ واٹر کمشن کے سربراہ جسٹس (ر) امیر ہانی مسلم نے اپنی ٹیم کے ہمراہ شکار پور میں بیگاری کینال سمیت صاف پانی کے مختلف منصوبوں کا دورہ کیا اورصفائی کی ناقص صورتحال پر برہمی کا اظہار کیا۔ واٹر کمشن کے سربراہ نے سول ہسپتال کا بھی دورہ کیا، جہاں مریض خاتون نے واٹر کمشن چیئر مین کو ادویات کی قلت اور علاج میسر نہ ہونے کی شکایت بھی کی جس پر امیر ہانی مسلم نے ایم ایس کو مسئلہ جلد حل کرنے کا حکم دیا۔
