اسلام آباد (این این آئی) پاکستان ویٹ لیفٹنگ فیڈریشن کے زیراہتمام قومی انٹر کلب ویٹ لیفٹنگ چمپئن شپ میں میں 6 ویٹ کیٹگریز کے مقابلوں کا فیصلہ ہوگیا ہے، لاہور میں جاری چمپئن شپ کے 56 کلوگرام کے مقابلوں میں مسلم کلب کے شرجیل بٹ نے پہلی، اے آر ٹی کلب کے زین خالد نے دوسری اور حیدر بٹ نے تیسری پوزیشن حاصل کی۔ 62 کلوگرام میں چوہدری امین کلب کے عبدالحنان نے پہلی ، پاور جم کے ناصر علی نے دوسری اور میاں گھی کلب کے محمد ا مان علی نے تیسری پوزیشن حاصل کی۔ 69 کلوگرام میں اسلامیہ سپورٹس کلب کے اسجد جمیل نے پہلی، سبحان کلب کے اصغرعلی نے دوسری اور میاں گھی کلب کے محمد آصف رشید نے تیسری پوزیشن حاصل کی۔77 کلوگرام میں مسلم کلب کے ارسلان نے پہلی ، چوہدری امین کلب کے امیر حمزہ نے دوسری اور آصف ڈار کلب کے اعظم علی بٹ نے تیسری پوزیشن حاصل کی ٗ85 کلوگرام میں چوہدری امین کلب کے انس بٹ نے پہلی، پاور جم کے تیمور علی نے دوسری اور وہیب کلب کے احتشام پارس نے تیسری پوزیشن حاصل کی جبکہ 94 کلوگرام میں اسلامیہ کلب کے ارسلان بٹ نے پہلی، سبحان کلب کے فیضان نے دوسری اور پاک کلب کے سلمان علی نے تیسری پوزیشن حاصل کی ۔