اوکاڑہ (نامہ نگار) عثمان بلاک 53 ٹو ایل میں مسلح افراد نے فائر نگ کر کے دوسگے بھائیوں کو قتل ایک زخمی کر دیا،ملزمان کی گرفتاری کے لئے پولیس چھاپے، نعشیں پوسٹمارٹم کیلئے ڈسٹرکٹ ہسپتال اوکاڑہ منتقل کر دی گئیں۔ عثمان بلاک53 ٹو ایل اوکاڑہ کے امجد ،اسلم اور اصغر تینوں بھائی بد ھ کی صبح حویلی مویشیاں میں بھینسوں کا دودھ نکال رہے تھے کہ مسلح نذیر عرف جیری پانچ ساتھیوں کے ہمراہ حویلی مویشیاں میں داخل ہوا۔ اندھادھند فائرنگ کرکے دوبھائیوں امجد اور اسلم کو قتل کردیا جبکہ اصغر فائرنگ سے شدید زخمی ہوگیا۔ اس دوران فائرنگ کی زد میں آکر گائے اور بھینس بھی زخمی ہوگئیں۔ ملزمان فائر نگ کرتے فرار ہوگئے۔ ایس ایچ او تھانہ صدر اوکاڑہ چو ہدری محمد سرور قتل کی واردات کی اطلاع ملتے ہی پولیس نفری کے ہمراہ جائے وقوعہ پر پہنچ گئے زخمی ہو نے والے نو جوان اصغر کو ریسکیو 1122کی ایمبولینس کے ذریعے ڈسٹرکٹ ہسپتال منتقل کردیا گیا۔ دو بھائیوں کے قتل کے حوالے سے بتایا گیا ہے جاں بحق ہو نے والا امجد 5 سال تک قتل کے مقدمات میں اشتہاری رہا۔ اس نے حملہ آور ملزم نذیر عرف جیری کے باپ، بھائی اور پھوپھو زاد لڑکی کو قتل کردیا تھا، بعد ازاں بذریعہ پنچائیت صلع ہوگئی۔ امجد اپنے بھائیوں اور اہل خانہ کے ہمراہ عثمان بلاک اوکاڑہ شرق پور سے آگیا۔ رہائش اختیار کر تے دودھ کاکاروبار کر نے لگا بدھ کی صبح اچانک قتلوں کا بدلہ لینے کیلئے نذیر عرف جیری اپنے ساتھیوں کے ہمراہ شرقپور سے اوکاڑہ آیا فائر نگ کرکے امجد اور اسلم کو قتل کر کے فرار ہو گیا، پولیس نے قتل کا مقدمہ درج کرکے فرار ہونیوالے ملزمان کی گرفتاری کیلئے چھاپے مارنے شروع کردئیے۔ ڈی پی اواوکاڑہ حسن اسد علوی کے مطابق ملزمان کو جلدگرفتار کرلیا جائیگا۔