دبئی(سپورٹس رپورٹر)فاسٹ باﺅلر شاہین شاہ آفریدی نے کہا ہے کہ میں آہستہ آہستہ خود کو ٹی 20 فارمیٹ میں ایڈجسٹ کرنے کی کوشش کررہا ہوں، قومی ٹیم کے پلیئرز اور غیرملکی کرکٹرز کے ساتھ کھیل کر خاصا کچھ سیکھنے کا موقع ملا۔ انڈر19 ورلڈ کپ میں بھارتی کوچ راہول ڈریوڈ اور دیگر پاکستانی کھلاڑیوں نے میرے بارے میں مثبت رائے دی تو میرا حوصلہ بڑھا۔ مجھے ٹیسٹ کرکٹ کھیلنا زیادہ پسند اور خواہش ہے کہ طویل فارمیٹ میں ملک کی نمائندگی کا موقع ملے۔ بڑے بھائی ریاض آفریدی نے بہت ٹپس دیں، اس کےساتھ دیگر کھلاڑیوں اور کوچز نے رہنمائی کی۔ٹیسٹ کرکٹ کھیلنا بہت زیادہ پسند ہے ۔لاہورقلندرز کے منیجر ثمین رانا نے کہا کہ ہماری بد قسمتی تھی کہ اس سے پہلے ایسی کارکردگی نہ دکھا سکے، برینڈن میکلم ٹیم کو دوبارہ فتح کی راہ پر لانے کے لیے بھرپور محنت کررہے ہیں، کپتان کی تبدیلی کے بارے میں ابھی تک مینجمنٹ نے کچھ نہیں سوچا۔