سعودی خواتین کو پبلک مقامات پر جاگنگ کی اجازت مل گئی، نئے تعلیمی سال سے گرلز سکولوں میں جسمانی تربیت کا آغاز ہو گا
ریاض (نوائے وقت رپورٹ) سعودی عرب میں خواتین کو پبلک مقامات پر جاگنگ کرنے کی اجازت مل گئی۔ سعودی وزیر تعلیم کی جانب سے جاری فیصلے کے مطابق نئے تعلیمی سال سے لڑکیوں کے سکولوں میں جسمانی تربیت کے پروگرام کا آغاز بھی کر دیا جائے گا۔ جدہ کے علاقے البلا میں ٹریک سوٹ اور عبایا میں ملبوس خواتین نے ٹریک پر جاگنگ کی۔ ایونٹ کے منتظم کے مطابق جاگنگ پروگرام کا مقصد خواتین کو یہ پیغام دینا تھا کہ آپ تنہا نہیں ہیں ہم اپنے خوابوں کو مل کر یقینی بنائیں گے۔
