لاہور (نیوز ڈیسک) جنوب مغربی لندن کے علاقے نائن ایلمز میں نامعلوم افراد نے ہالی وڈ اداکارہ الزبتھ ہرلے کے ماڈل بھانجے اور اسکے دوست کو خنجروں کے وار کرکے شدید زخمی کردیا۔ پولیس کے مطابق 21سالہ ٹاپ ماڈل مائلز ہرلے اور اس کے دوست پر کار میں سوار افراد نے ایس کیلون سٹریٹ میں حملہ کر دیا اور دونوں کی پشت پر خنجروں کے وار کیے۔ زخمیوں کو ہسپتال منتقل کر دیا گیا ہے جہاں انکی حالت خطرے سے باہر بتائی جارہی ہے۔ حملے کے محرکات پیشہ ورانہ رقابت ظاہر کی جارہی ہے۔ الزبتھ ہرلے آج کل فلم ’’دی رائلز‘‘ کی شوٹنگ میں مصروف ہیں۔