اسلام آباد(سٹاف رپورٹر) عالمی ایٹمی توانائی ایجنسی ’’آئی اے ای اے‘‘ کے سربراہ یوکیا امانو پاکستان کے تین روزہ سرکاری دورہ پر آج پیر کے روز یہاں پہنچ رہے ہیں۔ ایٹمی توانائی کمیشن کے بیان میں بتایا گیا ہے کہ عالمی ادارے کے سربراہ وزیراعظم شاہد خاقان عباسی کے ساتھ ملاقات کے علاوہ، اسلام آباد، فیصل آباد اور کراچی میں پاکستان ایٹمی توانائی کمیشن کی تنصیبات کا دورہ بھی کریں گے۔بیان میں کہا گیا ہے کہ اس عالمی ادارے سے پاکستان کا تعاون دھائیوں پر مشتمل ہے اور پاکستان عالمی ایجنسی کے راہنماء اصولوں پر گامزن ہے۔