گوجرانوالہ+کراچی+کوئٹہ+گجرات+ سیالکوٹ+ چنیوٹ+ پیر محل+ مانگٹانوالہ(نامہ نگاران +نوائے وقت رپورٹ) کم سن بچیوں سے زیادتی کرکے ان کی ویڈیوبنانے والے گروہ کا انکشاف ویڈیولیک ہونے پر پولیس نے کارروائی کرتے ہوئے دونوں ملزمان کو گرفتار کرلیا۔بتایاگیاہے کہ تھانہ صدر کے علاقہ کوہلووالا میں عرصہ دراز سے ملزمان کا ایک گروہ کم سن بچیوں جن کی عمریں 10 سے بارہ سال کے درمیان ہیں کو ورغلا کر فحش فلمیں دکھاتا اور پھر ان کو زیادتی کانشانہ بناتے ہوئے ان کی ویڈیوبھی بناتے تھے پولیس کے مطابق اس بارے میں دو ملزم راشدخان اور طارق شاہ کو گرفتار کرکے تفتیش شروع کردی ہے ابتدائی طور پر ملزمان نے انہی بچیوں کے ساتھ زیادتی کا اعتراف کیا جن کی ویڈیو وائرل ہوئی ہیں تاہم اپنے طور پر پولیس محتاط طریقہ سے علاقہ کا سروے کررہی ہے ۔ نوائے وقت رپورٹ کے مطابق کراچی میں کالج کی لڑکیوں سے اجتماعی زیادتی کرنے والا گروہ پکڑا گیا پولیس کے مطابق گروہ لڑکیوں کو محبت یا نوکری کا جھانسہ دیکر زیادتی کرتا تھا۔ ڈی آئی جی ایسٹ کے مطابق چار لڑکوں پر مشتمل گروہ سے متعدد ویڈیوز بھی برآمد کرلی گئیں ملزمان لڑکیوں کو فارم ہائوس لے جاکر زیادتی کا نشانہ بناتے تھے ملزمان پر سمن آباد تھانے میں مقدمہ درج کرلیا گیا ہے۔علاوہ ازیں قلعہ سیف اللہ میں لڑکے سے اجتماعی زیادتی کے بعد اسے قتل کرنے کی کوشش کی گئی۔ پولیس کے مطابق لڑکے کو تشویشناک حالت میں ہسپتال داخل کرادیا گیا ہے۔علاوہ ازیں مختلف مقامات پر 3کمسن لڑکیوں اور 2لڑکوں کو اوباشوں نے زیادتی کا نشانہ بناڈالا۔ چنیوٹ کے نواحی علاقہ چک نمبر138 ج ب نول کے علاقہ میں تین اوباشوں طلحہ ، علی حمزہ اور نزاکت علی نے چھ سالہ روباب کو اغوا کر کے زیادتی کا نشانہ بنا ڈالا‘ بچی کو بیہوشی کی حالت میں مکان میں چھوڑ کر فرار ہو گئے وقوعہ کی اطلاع ملتے ہی تھانہ رجوعہ پولیس نے ملزمان کو گرفتار کر کے مقدمہ درج کر لیا ۔ پیر محل میں نشہ آور شے کھلا کر نوجوان سے زیادتی، ویڈیو فلم بنانے والے 2 ملزموں کو گرفتار کرلیا گیا، محلہ مندر بلاک کے 18 سالہ بیٹے محمد حذیفہ کو چار ماہ قبل سنوکر کلب پر نشہ آور چیز کھلا کر بیہوش کرکے زیادتی کی ویڈیو فلم ، تصاویر بنائیں، اوباش علی اکبر المعروف پھکر رحمانی اور شماز بلوچ سکنہ مندر بلاک کئی ماہ تک مذکورہ نوجوان محمد حذیفہ کو بلیک میل کرتے ساتھ حکم بھی کرتے رہے اور کہا کہ تمہارے ہمسائے بہت امیر ہیں ان کے گھروں سے ہمیں پیسے زیورات چوری کرکے دو۔ حکم نہ مانا تو زیادتی کی ویڈیو اور تصاویر انٹرنیٹ پر اپ لوڈ کردینگے۔ نوجوان کے والد عمر حیات نے ملزموں سے منت سماجت کرتے ویڈیو فلم اور تصاویر ڈیلیٹ کرنے کا کہا تو انہوں نے لیت و لعل سے کام لینا شروع کردیا، بلیک میلنگ کا عمل جاری رکھا، محنت کش عمر حیات نے تمام حقائق مقامی تھانہ میں تعینات ایس ایچ او چودھری عبدالمجید گجر کو بتا دئیے، پولیس نے کارروائی کرکے دونوں ملزموں کو گرفتار کرکے مقدمہ درج کرلیا۔ مانگٹانوالہ موڑکھنڈا کے محنت کش یوسف انصاری کے پندرہ سالہ بیٹے محمد عرفان کو بلال شاہجہاں نواحی گاوں ملک پور ٹوریاں لے گے‘ ویران حویلی میں بند کرکے ساتھیوں عثمان‘خالداور مہندی وغیرہ کے ہمراہ زیادتی کی کوشش کی عرفان کے انکار پرلاتوں‘ گھونسوں سے پٹائی کر کے پانچ ملزموں نے زیادتی کا نشانہ بنا ڈالا۔ پولیس نے عرفان کے باپ یوسف کے بیان پر پانچ ملزموں کے خلاف مقدمہ درج کر کے دو کو گرفتار کر کے حولات میں بند کر دیا ۔تھانہ صدرجلالپورجٹاں کے علاقہ موضع چوپالہ میں فرسٹ ائیرکے طالبعلم 16سالہ عمیر الطاف سکنہ چوپالہ کو موٹرسائیکل سمیت اغواء کر کے تین افراد نے اجتماعی زیادتی کا نشانہ بنایا ملزمان اس موقع پر ویڈیو فلم بھی تیار کرتے رہے بعد ازاں دھمکی دی کہ اگر کسی کو بتایا تو ویڈیو انٹر نیٹ پر اپ لوڈکردینگے صدر جلالپورجٹاں پولیس نے متاثرہ طالبعلم کے والدبشیر سکنہ چوپالہ کی رپورٹ پر عدنان حیدر سکنہ چوپالہ ،عدیل نواز جٹ اور حسن رضا سکنہ چوپالہ کیخلاف مقدمہ درج کرلیا۔ تھانہ صدر سیالکوٹ کے گائوں سیدانوالی نئی آبادی میں اوباش نے گیارہ سالہ لڑکی کو زیادتی کا نشانہ بنایا۔ پولیس کے مطابق محنت کش شاہدہ بی بی کی گیارہ سالہ بیٹی نیزہ بی بی گھر سے چیز لینے باہر نکلی تو قلفی فروش سعید احمد اسے گودام میں لے گیا جہاں اس نے زیادتی کرڈالی لوگ اکٹھا ہوگئے تو ملزم فرار ہوگیا ۔ زیادتی کاشکار نیزہ بی بی کو ہسپتال داخل کروادیا گیاپولیس نے مقدمہ درج کرکے ملزم کی گرفتاری کیلئے چھاپے مارنے شروع کردیئے ۔