سکھر (نوائے وقت رپورٹ) سنٹرل جیل سکھر میں کچھ قیدیوں کی 6 روز سے بھوک ہڑتال جاری ہے۔ قیدیوں نے الزام لگایا ہے کہ جیلوں میں غیر معیاری کھانا دیا جاتا ہے۔ رشوت نہ دینے پر قیدیوں پر تشدد کیا جاتا ہے۔ اہل خانہ کا لایا گیا سامان بھی نہیں دیا جاتا۔ ایس پی جیل منور شاہ نے کہا ہے کہ چند قیدی ناجائز مطالبات منوانے کی کوشش کر رہے ہیں۔ چند روز قبل پیشی سے واپسی پر قیدی منشیات جیل میں لاتے پکڑے گئے۔ سہولت کاری پر اہلکاروں کے خلاف بھی کارروائی کی جائے گی۔ جیل انتظامیہ کو بلیک میل کرنے کیلئے قیدی بھوک ہڑتال کر رہے ہیں۔