راولپنڈی (نوائے وقت رپورٹ) پیپلزپارٹی  کے رہنما قمر زمان کائرہ نے کہا ہے کہ تم نے کہا تھا روک سکو تو روک لو‘ دیکھ تو آصف زرداری نے روک لیا۔ اگلی باری اسی کی ہے۔ سینٹ الیکشن میں خفیہ ایجنسی کا کوئی کردار نہیں۔ تقریب سے خطاب کرتے انہوں نے کہا کہ پی پی ٹکٹس گھر بیٹھ کر نہیں مشاورت کے بعد دے گی۔ پارٹی میںکوئی بھی ٹکٹ دے‘ کارکنوں پر لازم ہے تیر کے نشان کا ساتھ دیں۔ عدلیہ اور اداروں پر حملے ہو رہے ہیں۔ فاٹا اور بلوچستان نے ہمارا ساتھ دیا مگر نوازشریف مان نہیں رہے۔ عدالتیں ان کے حق میں فیصلہ دیں تو  عدلیہ اچھی ورنہ بری ہے۔ نوازشریف صاحب آپ نے پاکستان سے پیسہ لوٹ کر دنیا بھر میں چھپا رکھا ہے۔ نوازشریف   کہتے  ہیں اگلی بار آئیں تو روزگار اور انصاف دیں گے۔ اگلی باری آپ کی نہیں زرداری کی ہے۔