لاہور(نمائندہ سپورٹس) پاکستان سپر لیگ تھری کے فیصلہ کن مرحلے کا آغا ز آج سے دبئی میں ہو گا۔ پہلے کوالیفائر میچ میں اسلام آباد یونائیٹڈ اور کراچی کنگز کی ٹیمیں مد مقابل ہونگی ۔ میچ پاکستان وقت کے مطابق رات نو بجے کھیلا جائے گا۔پلے آف مرحلے میں ایلیمنیٹر 1 اور ایلیمنیٹر 2 بالترتیب 20 اور 21 مارچ کو لاہور کے قذافی سٹیڈیم میں جبکہ 25 مارچ کو فائنل میچ کراچی کے نیشنل سٹیڈیم میں کھلا جائیگا۔پی ایس ایل کے کوالیفائر میچ دبئی میں ہی کھیلا جائیگا جس میں کراچی کنگز اور اسلام آباد یونائیٹڈ مدِ مقابل ہوں گی اور جیتنے والی ٹیم کراچی میں فائنل کے لیے کوالیفائی کر جائے گی جبکہ ہارنے والی ٹیم لاہور میں پشاور زلمی اور کوئٹہ گلیڈی ایٹرز کے درمیان ہونے والے ایلیمنیٹر 1 کی فاتح ٹیم سے ایلیمنیٹر 2 میں مقابلہ کرے گی۔ایلیمنیٹر 2 کی فاتح ٹیم کراچی کے نیشنل سٹیڈیم میں ہونے والے فائنل میں جگہ بنائے گی۔