انڈین ویلز ماسٹرز ٹینس ٹورنا منٹ وینس ولیمز ‘سیمونہ ہالیپ کو سیمی فائنل میں شکست
انڈین ویلز(سپورٹس ڈیسک) امریکہ میں جاری انڈین ویلز ماسٹرز ٹینس ٹورنا منٹ کے سیمی فائنل میں امریکی سٹار وینس ولیمز اور رومانیہ کی سیمونہ ہالیپ کو شکست ہو گئی ۔ پہلے سیمی فائنل میں جاپان کی ان سیڈڈ کھلاڑی نائومی اوساکا نے عالمی نمبر ایک رومانیہ کی سیمونہ ہالیپ کو چھ تین اور چھ صفر سے شکست دے کر ٹورنا منٹ کا بڑا اپ سیٹ کر دیا ۔ یہ میچ چونسٹھ منٹ تک جاری رہا ۔ دوسرے سیمی فائنل میں روس کی بیس سالہ کاست کینا نے عالمی نمبر آٹھ وینس ولیمز کو چار چھ ‘چھ چار اور سات پانچ سے شکست دے دی ۔ یہ روسی کھلاڑی کی ٹاپ ٹونٹی کھلاڑیوں کیخلاف مسلسل چوتھی فتح تھی ۔ویمنز سنگلز کا فائنل آج نائومی اوساکا اور ڈاریا کستکینا کے درمیان کھیلا جائے گا۔
