شیخوپورہ(نمائندہ نوائے وقت)ڈسٹرکٹ بار ایسوسی ایشن کے زیر اہتمام کرکٹ ٹورنامنٹ میں نیر الیون نے میدان مار لیا، کل 11ٹیموں کے مابین مقابلے ہوئے جن کے آرگنائزر ساجد محمود منا تھے جبکہ فائنل مقابلہ نیر کرکٹ الیون اور انصاف کرکٹ الیون کے مابین کھیلا گیا۔ میچ نیئر الیون نے جیت لیا اور عامر شریف مین دی آف دی میچ قرار پائے جبکہ مین آف دی ٹورنامنٹ کا اعزاز حافظ ارسلان ورک کو حاصل ہوا۔ فائنل میچ کے مہمان خصوصی صدر ڈسٹرکٹ بارچوہدری غلام مرتضیٰ ورک، جنرل سیکرٹری مسز ریحانہ ناز گھمن، آفس سپرنٹنڈنٹ محمد عبداللہ، ممبر پنجاب بار کونسل رانا سیف اللہ خاں ایڈووکیٹ، خرم ریاض کاہلوں ایڈووکیٹ، سابق صدر ڈسٹرکٹ بار خالد رشید ملک، چوہدری طیاب راشد سندھو، چوہدری خالد محمود ورک، رانا عبدالجبار، ثناء ملیحہ ، ثناء اکبر، بلال زیلدار، عثمان طور، قربان بھٹی اور میڈیا کوآرڈینیٹر ڈسٹرکٹ بار سید علی معظم رضوی تھے۔ اس موقع پر مسز ریحانہ ناز گھمن نے فاتح ٹیم کے کھلاڑیوں کو مبارکباد دی اور اعلان کیا کہ بہت جلد بار اور عدالتی افسران کے مابین بھی کرکٹ مقابلوں کا اہتمام کیا جائے گا جو بار اور بینچ کے مابین خوشگوار تعلقات کی علامت ہوں گے۔ انہوں نے ڈسٹرکٹ بار کے زیر اہتمام کھیلوں کی سرگرمیوں کے فروغ کو مستحسن قرار دیتے ہوئے کہا کہ اس سے مثبت و تعمیری رجحانات پروان چڑھیں گے۔