لاہور (نمائندہ سپورٹس ) پاکستان سپر لیگ فرنچائز پشاور زلمی کے کھلاڑی ڈوائن سمتھ کی جانب سے پاکستان جانے سے انکار پر بنگلہ دیشی آل راونڈر شکیب الحسن کو ٹیم میں شامل کر لیا گیا ہے جو آج سے ٹیم کو جوائن کریں گے۔ شکیب الحسن اس وقت آئی سی سی ٹیسٹ اور ون ڈے رینکنگ میں نمبر ون آل راونڈر ہے جنہوں نے نداہاس ٹرافی میں سری لنکا کیخلاف ٹیم کی فتح میں اہم کردار ادا کرتے ہوئے اسے فائنل میں پہنچایا۔ذرائع کے مطابق شکیب الحسن اس وقت بھارت کیخلاف فائنل میچ کھیلنے کیلئے سری لنکا میں موجود ہیں اور وہاں سے فراغت کے بعد لاہور پہنچ کر پشاور زلمی کے سکواڈ کو جوائن کریں گے۔ اور کوئٹہ گلیڈی ایٹرز کیخلاف پلے آف میچ میں ٹیم کا حصہ ہوں گے۔