لاہور/ بنوں/ خانیوال (سٹاف رپورٹر+ صباح نیوز+ نامہ نگار) گرین ٹائون پولیس نے 7 سال بعد بچی کو زیادتی کے بعد قتل کرنے والا ملزم منیر عرف منا کو گرفتار کرلیا۔ منیر عرف منا نے 7 سال قبل بچی کو زیادتی کا نشانہ بناکر قتل کیا تھا۔ ملزم کو کراچی سے گرفتار کرلیا گیا ہے۔ دریں اثناء بنوں میں اوباش سعداللہ نے 8 سالہ بچی سمیعہ کو زیادتی کا نشانہ بنا دیا جبکہ خانیوال میں 50 سالہ ملزم عمر ریاض اپنی سگی بیٹی 17 سالہ مہوش سے زیادتی کرتے رنگے ہاتھوں پکڑا گیا۔ بیٹے کی درخواست پر مقدمہ درج کرلیا گیا۔ مہوش نے بتایا کہ اس کا باپ اسے کافی عرصہ سے درندگی کا نشانہ بنا رہا تھا لیکن وہ اپنی اور خاندان کی عزت کی وجہ سے خاموش تھی۔