بیجنگ (آ ئی این پی) چین کے صدر شی جن پنگ نے کہا ہے کہ چین اور پاکستان کے درمیان باہمی تعلقات خوشگوار انداز میں فروغ پار ہے ہیں، دونوں ممالک بیلٹ اینڈ روڈ کے تحت موثر تعاون کررہے ہیں۔ چائنہ ریڈیو انٹرنیشنل کے مطابق چین کے صدر شی جن پنگ نے 78ویں یومِ پاکستان کے موقع پر صدر مملکت ممنون حسین کے نام اپنے تہنیتی پیغام میں چینی حکومت اور عوام کی طرف سے پاکستان کی حکومت اور عوام کے لیے نیک خواہشات کا اظہار کیا گیا ہے۔ صدر شی جن پنگ نے پیغام میں کہا صدر ممنون اور پاکستان کی حکومت کی قیادت میں پاکستان کی معیشت مستحکم طور پر ترقی کررہی ہے۔ عوام کے معیارِ زندگی کو بہتر بنایا جارہا ہے۔ اس حوالے سے ہمیں بھی بڑی مسرت اور خوشی کا احسا س ہے۔اس وقت چین اور پاکستان کے درمیان باہمی تعلقات خوشگوار انداز میں فروغ پار ہے ہیں۔ دونوں ممالک دی بیلٹ اینڈ روڈ انیشیٹو کے تحت موثر تعاون کررہے ہیں۔ اس سے نہ صرف دونوں ملکوں کے عوام بلکہ خطے میں امن و استحکام کے لئے بھی مدد ملے گی۔ چین پاکستان کے ساتھ تعلقات کو بڑی اہمیت دیتا ہے اور چین ہمہ گیر سٹرٹیجک تعاون مزید آگے بڑھانے کے لئے مشترکہ کوشش کرنا چاہتا ہے۔ چین کے وزیراعظم لی کی چیانگ اور وزیر خارجہ وانگ ای نے بھی پاکستان کے وزیراعظم شاہد خاقان عباسی اور وزیر خارجہ خواجہ آصف کے نام الگ الگ تہنیتی پیغامات بھیجے۔
چینی صدر