لاہور (این این آئی+ بی بی سی) پاکستان کی تاریخ میں پہلی مرتبہ خواجہ سراءنے بطور نیوز اینکر ذمہ داریاں سنبھال لیں۔ ماریہ ملک نامی خواجہ سراءنے نجی نیوزچینل سے بطور نیوز کاسٹر کیریئر کا آغاز کیا ہے۔ ماریہ ملک 23مارچ کو یوم پاکستان کے موقع پر نجی نیوز چینل پر خبریں پڑھتی نظر آئیں۔ ماریہ ملک گریجویشن کی طالبہ ہیں اور ان کو حال ہی میں نیوز کاسٹر کے طور پر ٹیم میں شامل کیا گیا ہے۔ ماریہ ملک پہلی بار نیوز کاسٹر کے طور پر ٹی وی پر آئی ہیں لیکن وہ شوبز میں نئی نہیں ہیں۔ ماریہ ملک نے بی بی سی سے بات کرتے ہوئے کہا کہ میں نے پنجاب یونیورسٹی سے جرنلزم میں گریجویشن کی ہے اور جرنلزم ہی میں اب ماسٹرز کرنے کا ارادہ ہے۔ ٹریننگ کے بارے میں پوچھے گئے سوال کے جواب میں ماریہ ملک نے کہا کہ نیوزکاسٹر کی تربیت کے دوران ان کو مشکل نہیں ہوئی۔
خواجہ سرائ