اسلام آباد (این این آئی)حلقہ بندیوں کے جائزہ کے لئے قائم قومی اسمبلی کی خصوصی کمیٹی کے ورکنگ گروپ کا اجلاس (آج) پیر کو پارلیمنٹ ہائوس میں ہوگا۔ اجلاس کنوینر دانیال عزیز کی صدارت میں 3 بجے ہوگا، اجلاس میں گروپ کے اراکین کے علاوہ عالیہ کامران، افتخار الدین، میاں رشید، ڈاکٹر عذرا فضل، سید مصطفی شاہ، شازیہ مری، نفیسہ شاہ کو خصوصی دعوت پر اجلاس میں بلایا گیا ہے۔ اجلاس میں اراکین کی جانب سے نئی حلقہ بندیوں پر اعتراضات اور تحفظات سے کمیٹی کو آگاہ کیا جائے گا۔