قاہرہ(آئی این پی) مصر میں صدارتی انتخابات کا آغاز ہوگیا،سخت حفاظتی اقدامات میںرائے دہی کا سلسلہ 3روز تک جاری رہے گا۔غیر ملکی میڈیا کے مطابق مصر میں صدارتی انتخابات کا آغاز ہوگیا۔انتخابات کیلئے رائے دہندگان کی تعداد تقریبا 6 کروڑ ہے۔ انتخابات میں موجودہ صدر عبدالفتاح السیسی اور ان کے حریف موسی مصطفی موسی کے درمیان مقابلہ ہوگا۔صدارتی انتخابات کے سلسلے میں بیرون ملک رائے دہی کا انعقاد 23 سے 25 مارچ تک کیا گیا۔اس سے قبل مصری حکومت نے انتخابی عمل کو پر امن بنانے کے لیے تمام تر مطلوبہ انتظامات مکمل کر لیے۔ انتخابات میں حفاظتی اقدامات کی بحالی کے لیے بھی مسلح افواج شریک ہیں۔ اس حوالے سے دفتر داخلہ ، الیکشن کمیشن اور تمام متعلقہ ریاستی اداروں کے درمیان رابطہ کاری کو یقینی بنایا گیا ہے۔اس سلسلے میں مصری فوج نے انتخابی عمل کو پر امن اور محفوظ بنانے کے لیے مختلف صوبوں میں اپنے اہلکاروں کی تعیناتی کا اعلان کیا ہے ۔
مصر صدارتی الیکشن