سانگلاہل(نمائندہ نوائے وقت)مقامی بار ایسوسی ایشن کے سابق صدر چوہدری محمود الحسن کانواں کے والد محترم چوہدری عارف حسین کانواں کا ساتویں کے ختم شریف پران کے آبائی گائوں چک نمبر23برنالہ میں خصوصی محفل پاک ہوئی،جسکی صدارت پیر سید شاہجہان شاہ القادری آف مڈھ رانجھا نے کی،ڈاکٹر غلام اویس نقیب محفل تھے،پیر سید شاہجہان شاہ القادری نے خطاب کرتے ہوئے کہا کہ والدین دنیا کی وہ عظیم نعمت ہے ،جس کا اس دنیا میں کوئی نعم البدل نہیں ہے،والدین کی موجودگی میں ہمیشہ خدا کی رحمتیں اور برکتیں برستی رہتی ہیں، والدین سے محبت کرنا عظیم عبادت ہے جو لوگ والدین کی خدمت کرتے ہیں وہ دنیا و آخرت میں نجات حاصل کر لیتے ہیں ، پیارے نبی نے والدین کی خدمت کرنے والوں کو جنت کی بشارت دی ہے۔