لاہور (پ ر) یوفون بلوچستان فٹبال کپ کے کوارٹر فائنلز کھیلے گئے۔ پہلے کوارٹر فائنل میں بلوچستان کلب نے خضدار کے خدائی داد قلندرانی ف کلب کو 4 کے مقابلے میں 1 گول سے شکست دی۔ محمد خلیل نے ہیٹ ٹرک کی جبکہ یونس نے ایک گول کیا۔ ۔ دوسرا کوارٹر فائنل افغان کلب چمن اور آزاد بلوچ کلب نوشکی کے درمیان کھیلا گیا۔ افغان کلب چمن نے آزاد بلوچ کلب نوشکی کو 1-0سے شکست دی۔ میچ کا واحد گول موسیٰ کلیم نے کیا۔ چیمپئن کے سیمی فائنلز 28 مارچ کو کھیلے جائیں گے جبکہ فائنل 29 مارچ کو کوئٹہ میں کھیلا جائیگا۔ یوچیمپئن شپ کے انعقاد کا مقصد یہ ہے کہ صوبے میں فٹبال کو فروغ دینا ہے ۔