گوجرانوالہ +گگھڑ منڈی (نمائندہ خصوصی +نامہ نگار) شادی کی تقریبات میں دولہا کے دوستوں کی سرعام اندھا دھند فائرنگ کی ویڈیو منظر عام پر آگئی، گولیوں کی سنسناہٹ سے علاقہ نجتا رہا، جبکہ میڈیا پر خبر نشر ہونے کے بعد پولیس نے صرف تین افراد کیخلاف مقدمہ درج کر کے خانہ پوری کر دی ، دو روز قبل تھانہ کینٹ کے علاقے لمبانوالی میں شادی کی تقریب میں دولہا کے دوستوں نے کھلے عام فائرنگ کی تھی، فائرنگ سے علاقہ گونج اٹھا، اندھا دھند فائرنگ کے باوجود پولیس کے کان پر جوں تک نہیں رینگی اور وہ خواب خرگوش کے مزے لیتی رہی، تاہم موبائل فون پر بننے والی فائرنگ کی ویڈیو منظر عام پر آگئی جس میں دیکھا جا سکتا ہے کہ دولہا کے دوست اپنے دیگر ساتھیوں کے ساتھ سرعام اندھا دھند ہوائی فائرنگ کر رہے ہیں ، پو لیس نے خانہ صرف تین افراد کیخلاف مقدمہ درج کیا، حالانکہ ویڈیو میں دس سے زائد نوجوان فائرنگ کر رہے ہیں۔