جعفر آباد: کار سے ٹکرانے پر مزدا الٹنے سے 3بچے جاں بحق‘ خواتین بچوں سمیت 8 افراد زخمی
جعفرآباد (رپورٹ عزیزمری) جعفرآباد میں تیز رفتاری کے باعث ٹرک اور کار ٹکراگئے‘ مزدا ٹرک الٹ گئی جس کے نتیجے میں تین بچے موقع پر جاں بحق جبکہ پانچ بچوں سمیت 8 افراد شدید زخمی ہوگئے جنھیں ڈیرہ اللہ یار ہسپتال منتقل کردیا گیا ۔ جعفرآباد ڈیرہ اللہ یار بائی پاس پر تیزرفتاری کے باعث مزدا ٹرک کار میں تصادم ہوا ۔ مزدا الٹ گیا جس کے نتیجے میں تین بچے جن میں گل جمک گل محمد اور ایک نامعلوم بچی شامل جنکی عمریں بالترتیب پانچ سے چودہ سال ہیں موقع پر جاں بحق ‘ حادثے میں پانچ بچے تین مرد بھی زخمی ہوگئے‘ زخمیوں میں ریاض نصیب الدین‘ مقبول احمد‘ محمد عباس بی بی سلطانہ ندیم ثریا بی بی شامل ہیں جنھیں فوری طور پر ڈیرہ اللہ یار منتقل کردیا گیا! زخمیوں میں پانچ کی حالت نازک بتائی جارہی ہے جنھیں لاڑکانہ ریفر کیا گیا؟ پولیس کے مطابق حادثہ تیزرفتاری کے باعث پیش آیا! مزدا ٹرک والے ربی سے جعفرآباد کے علاقے جت گڑھ شادی کی تقریب میں جارہے تھے حادثہ کا شکار ہوگئے ہیں پولیس نے حادثہ کا مقدمہ درج کرکے مزید تفتیش شروع کردی ہے
3 جاں بحق
