لاہور (خصوصی رپورٹر) نیو سنٹرل ماڈل ہائی سکول رانا ٹائون کے طلبا و طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظم اور لاہور گرائمر سکول ملتان روڈ‘ اعظم گارڈنز کے طلباو طالبات و اساتذۂ کرام نے ایوانِ قائداعظم شاہراہِ نظریۂ پاکستان جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے سٹی ڈسٹرکٹ گورنمنٹ گرلز ہائی سکول ریلوے کالونی مغلپورہ لاہور کالج آف کامرس جی ٹی روڈ باغبانپورہ‘ سٹی ڈسٹرکٹ گورنمنٹ بوائز ہائی سکول‘ دی ریڈر سکول سسٹم جمیل پارک شاہدرہ‘ ڈیسنٹ ماڈل سکول مغل پارک شاہدرہ کا وزٹ کیا۔ مستفید ہونے والے اساتذہ اور طلبہ کی مجموعی تعداد 638تھی۔