شیخوپورہ : تیزرفتار بس نے سڑک پار کرتی ماں بیٹی کو کچل ڈالا، موقع پر جاں بحق
شیخوپورہ (نمائندہ نوائے وقت) ٹریفک حادثے میں ماں بیٹی جاں بحق ہوگئیں ۔ تھانہ فیروز والہ کے علاقہ کالا شاہ کاکو کے قریب شاہدرہ جانے والی ماں بیٹی کو سڑک پار کرتے تیزرفتار مسافربس نے کچل ڈالا جس کے نتیجے میں ہدایت بی بی اوراسکی بیٹی یاسمین موقع پر ہی جاں بحق ہوگئیں جبکہ ایک نامعلوم لڑکی زخمی ہوئی۔ حادثہ کے بعد بس ڈرائیور جائے حادثہ سے فرار ہوگیا۔ موٹر وے پولیس نے بس کو اپنی تحویل میں لے لیا۔ مرنے والی خواتین کے لواحقین نے احتجاج کرتے ہوئے جی ٹی روڈ پر ٹائروں کو آگ لگا کر ٹریفک جام کردی۔ موٹر وے پولیس اور فیروزوالہ پولیس کی یقین دہانی کے بعد مظاہرین نے احتجاج ختم کردیا۔ پولیس نے مقدمہ درج کرکے نعشوں کو ضروری کاروائی کے بعد ورثا کے حوالے کردیا۔
