لاہور)سپورٹس ڈیسک )سلام آباد یونائیٹڈ نے پی ایس ایل کی فتح کا جشن منایا جب کہ شام کو پریڈ کے بعد ایف 9پارک میں تقریب اور آتش بازی بھی ہوئی ۔پی ایس ایل ون کی فاتح اسلام آباد یونائیٹڈ نے رواں سال تیسرے ایڈیشن کا ٹائٹل بھی جیت کر دوسری بار چیمپئین بننے کا اعزاز حاصل کیا، ویسٹ انڈیز کیخلاف سیریز کی وجہ سے جشن منانے کا پروگرام موخر کردیا گیا تھا۔شیڈول کے مطابق دوپہر کو پی ایس ایل تھری کی ٹرافی ڈائمنڈ گرائونڈ میں لائی گئی ،اسلام آباد کرکٹ ایسوسی ایشن نے تقریب کی میزبانی کی، شام کو ڈی چوک سے ایف9پارک تک ٹرافی پریڈ کا اہتمام کیا گیا ، شام 4سے رات 7بجے تک ہونے والے ایونٹ میں فاتح کرکٹرز نقش ونگار سے مزین خصوصی ٹرک میں سوار ہوکر شائقین کی توجہ کا مرکز بنے۔