پاکستانی شائقین کی بڑی تعداد نے ہاکی میچ دیکھا، سٹیڈیم قومی نغموں سے گونجتا رہا
گولڈ کوسٹ/ آسٹریلیا(سپورٹس رپورٹر) آسٹریلیا کے شہر گولڈ کوسٹ میں جاری 21 ویں کامن ویلتھ گیمز کے ہاکی ایونٹ کو دیکھنے کے لیے پاکستانی شائقین کی بڑی تعداد سٹیڈیم پہنچی۔ پاکستانی شائقین نہ صرف قومی کھلاڑیوں کو سپورٹ کرتے رہے بلکہ ملی نغمے گا کر سٹیڈیم میں ایک سما باندھ دیا۔ شائقین کا کہنا تھا کہ بھارت کے خلاف میچ میں قومی کھلاڑیوں نے شاندار کھیل پیش کیا جس کی بنا پر کھلاڑیوں کا انگلینڈ کے خلاف مورال بلند تھا۔ شائقین کا کہنا تھا کہ پاکستان ٹیم ملائیشیا کے خلاف بھی اچھا کھیل پیش کرئے گی اس میچ میں بھی پاکستان ٹیم کو سپورٹ کرنے کے لیے میدان میں آئیں گے۔
