کوالالمپور(این این آئی) ایشین کرکٹ کونسل (اے سی سی )کا اجلاس آج ( منگل ) ملائیشیا کے دارلحکومت کوالالمپورمیں ہوگا۔پی سی بی حکام کیلئے ایسی سی کا اجلاس اہمیت اختیارکرگیا ہے کیونکہ اس میں بھارتی بورڈ کا نمائندہ بھی شریک ہوگا۔پی سی بی چیئرمین نجم سیٹھی کی زیرصدارت ہونے والے اجلاس میں اس سال ہونے والے 3بڑے ٹورنامنٹس ایشیاء کپ، ایمرجنگ ایشین ٹورنامنٹ اور ایشیا کپ انڈر 19 کے میزبان ملک کا فیصلہ ہونا ہے۔بھارت نے اپریل میں پاکستان میں ایمرجنگ ٹیموں کا ایشین کرکٹ ٹورنامنٹ کھیلنے سے انکار کردیا تھا اور اب پاکستان یہ موقف اختیار کرے گا کہ اگر بھارت پاکستان میں کھیلنے سے انکار کررہا ہے تو پاکستان بھی بھارت نہیں جائیگا۔