قصور+ پتوکی (نمائندہ نوائے وقت+ نمائندہ خصوصی) سہاگ رات کی اگلی صبح ہی دلہن اور دولہا کمرے میں مردہ پائے گئے۔ بتایا جاتا ہے کہ گزشتہ روز ہلہ روڈ کے رہائشی رمضان ارشد کی بارات مظفر گڑھ گئی جہاں سے دلہن مبین اکرم کو لایا گیا۔ دولہا رمضان اور دلہن مبین اکرم اپنے کمرے میں گئے تو رات کو سونے سے قبل رمضان کی خالہ بشری بی بی نے دودھ پینے کو دیا جس کے بعد جب صبح کو عرفان، عمران نے دروازہ کھٹکھٹایا تو دولہا اور دلہن نے دروازہ نہ کھولا۔ دروازہ کھولا گیا تو دولہا، دلہن مردہ پڑے تھے۔ تھانہ سٹی پو لیس پتوکی نے نعشوں کو قبضہ میں لیکر نامعلوم افراد کے خلاف قتل کا مقد مہ درج کر کے کارروائی شروع کر دی، تاحال کوئی گرفتار نہ ہو سکا، متاثرین نے احتجاج کرتے ہوئے وزیر اعلی پنجاب، آئی جی پولیس پنجاب اور ڈی پی او قصور سے نوٹس لینے کا مطالبہ کیا ہے۔ ڈی ایس پی علی اختر انصاری نے عمران چو دھری، سعید احمد طاہر اور محمود گھمن سے بات کرتے ہوئے بتایا کہ دولہا اور دلہن کو زہر دیکر قتل کیا گیا ہے جلد قاتل ٹریس ہو کر حوالات میں ہونگے۔