کراچی (صباح نیوز) کراچی کے علاقہ ڈیفنس فیز ون کی اے مارکیٹ میں مبینہ پولیس مقابلہ میں دو ڈاکو ہلاک اور ایک زخمی ہو گیا۔ ایس ایس پی ساؤتھ کے مطابق ملزمان کئی دنوں سے ڈیفنس کے علاقہ میں وارداتیں کر رہے تھے۔ پولیس نے ہلاک ڈاکوؤں کی نعشوں اور زخمی ڈاکو ہسپتال منتقل کر دیا ہے جبکہ کراچی کے مختلف علاقوں میں پولیس نے کارروائیاں کرتے ہوئے پانچ ملزمان کو گرفتار کر لیا۔ قانون نافذ کرنے والے اداروں کے اہلکاروں نے موچھکو رئیس گوٹھ میں گینگ وار ملزم عزیر بلوچ، اہم کمانڈروں کامران کامو اور زبیر چھوٹو کو گرفتار کر کے تفتیش کے لئے نامعلوم مقام پر منتقل کر دیا ہے۔