گولڈ کوسٹ (سپورٹس رپورٹر) آسٹریلیا میں جاری کامن ویلتھ گیمز کے دوران کیمرون کے 8اتھلیٹس غائب ہو گئے ہیں ۔ کیمرون دستے کے پریس اتاشی سائمن مولمبے نے میڈیا کو بتا یا کہ 8کھلاڑیوں کے غائب ہونے کی رپورٹ پولیس کو کر دی ہے ۔ وہ کامن ویلتھ گیمز کے ویلج میںنہیں ہیں ۔کھلاڑیوں میں تین ویٹ لفٹرز اور پانچ باکسر ز شامل ہیں ۔ کھلاڑیوں کو آخری مرتبہ مختلف اوقات میں پیر اور منگل کے دن کیمپ میں دیکھا گیا تھا ۔کھلاڑیوں کے پاس پندرہ مئی تک کا ویزہ ہے ۔ ویٹ لفٹر الیور ماتم ماتم‘آرکنگلیلن فیوجی اور پیٹٹ منکومبا‘باکسرز میں کرسٹین تسوئے ‘سمپلائس فٹسالا‘آرسین فوکیو‘الرچ یومبو اور کرسٹیلی نیانگ شامل ہیں ۔ حکام میں بہت مایوسی پائی جارہی ہے ‘ان کھلاڑیوں میں سے کچھ نے ابھی کسی مقابلہ میں حصہ ہی نہیں لیا ہے ۔ بہتری کو اسی میں ہے کہ وہ واپس کیمپ میں آئیں اور باقی دستے کے ساتھ ہی وطن واپس جائیں ۔