ہنگو(آئی این پی)ہنگو کے علاقہ دوسہ بانڈہ میروبک میں ایک شخص نے نشے کے حالت میں اپنی بیوی اور بھابی کو قتل کر دیا ،تھانہ سٹی ہنگو میں ایف آئی آر درج کرتے ہوئے ساجد خان ولد وارث خان نے بتایاکہ گزشتہ رات میں اپنے کمرے میں سو رہا تھاکہ شور کی آواز سن کر باہر آیا دیکھا کہ میرے بھائی امجد خان نے فائرنگ کر کے میری بیوی لعل بی بی کو قتل کیا تھا او ر وہ زمین پر پڑی تھی جب میں اپنی بھابی کے کمرے میں گیا تو میرے بھائی امجد خان نے چاقو کے وار سے اپنے بیوی کو قتل کر دیا تھا جس کی قتل شدہ لاش فرش پر پڑی ہوئی تھی۔مزید بتایا بتایاکہ میرا بھائی نشے کا عادی تھا نہ ہمارے کوئی دشمنی تھی نہ گھریلو ناچاقی پولیس نے رپورٹ درج کرکے قاتل کے گرفتاری کیلئے کوششیں تیز کردیں ایک گھر سے دو جنازے اٹھنے پر علاقے میں کہرام مچ گیا۔ ہر آنکھ اشکبار تھی۔