لاہور (کلچرل رپورٹر) پاکستانی فلم ’’مارکیٹ‘‘ عیدالفطر پر ریلیز ہو گی۔ یہ بات فلم کے ڈسٹری بیوٹر پروڈیوسر اور تماثیل تھیٹر کے چیئرمین قیصر ثناء اللہ خان نے بتائی۔ انہوں نے کہا کہ فلم مارکیٹ ایکشن سے بھرپور ہے۔ کاسٹ میں معمر رانا، حماد شاہ، ماہی ساہی
خان، زارا ملک، نواز انجم، نین شہزادی اور آصف خان شامل ہیں۔ جبکہ اداکارہ ماہی ساہی، نسیم وکی، ناصر چنیوٹی، قیصرپیا اور معمر رانا پر رواں ہفتے ایک قیمتی سیٹ پر آئٹم سانگ عکسبند کیا جائے گا۔ ڈانس ڈائریکٹر پپو سمراٹ ہیں۔ فلم کے ڈائریکٹر اور رائٹر انجم پرویز ہیں۔ پروڈیوسر حماد شاہ ہیں۔