رائیونڈ(نامہ نگار) تحریک انصاف کے رہنماء رانا نثارراٹھ نے کہا کہ پیپلز پارٹی کے رہنماء ندیم چن پی ٹی آئی میں شامل ہو گئے۔ پیپلز پارٹی ایک اہم رکن سے محروم ہو چکی اور کئی پر تول رہے ہیں ، لاہور کی باد شاہت کا دھڑن تختہ ہوچکا ہے جو بویا وہی کاٹ رہی ہے، بہت جلد پیپلز پارٹی کے غبارے سے ہوا نکلنے والی ہے، زرداری سر محل، اور کنٹینرکیس کو جلد اوپن کروانے پر غور ہو رہاہے، زرداری کی کرپشن سے عوام بخوبی واقف ہے جس نے گذشتہ پانچ سالہ دور اقتدار میں عوام کی خدمت کرنے کی بجائے اپنی تجوریاں بھریں، زرداری اور نواز شریف دونوں کرپٹ ہیںاور عوام کے خیر خواہ نہیں ہیں۔