رائے ونڈ(نامہ نگار) پیپلز پارٹی کے رہنما رانا جمیل احمد منج نے کہا ہے کہ پیپلز پارٹی نے پاکستان اور عوام کیلئے جتنی قربانیاں دی ہیں تاریخ میں اسکی مثال نہیں ملتی، بھٹو خاندان نے پاکستان کیلئے اپنی جانوں کے نذرانے پیش کئے، آج حلقہ کی عوام زندگی کی بنیادی سہولیات سے یکسر محروم ہے ،رائے ونڈ نواز شریف کا گھر ہونے کے باوجود پینے کے صاف پانی سے قاصر ہیں، مسلم لیگ ن کے 10سالہ دور حکومت میں انکا رہائشی علاقہ مسائلستان بنا ہوا ہے۔ شہباز شریف نے آٹھ سال سے رائے ونڈ کی عوام کو دھوکہ دیا ہے۔