لاہور (نمائندہ سپورٹس )سترہویں سندھ گیمزنے کھلاڑیوں کا کیرئیر اور زندگیاں خطرے میں ڈال دیں۔سپورٹس سپیشلسٹ ڈاکٹر نے بتایا کہ غیر معیاری گدوں پر والٹ جمپ کھلاڑیوں کو عمر بھر کیلئے نہ صرف مفلوج کر سکتا ہے بلکہ ان کی موت بھی واقع ہو سکتی ہے۔ صوبائی وزیر کھیل غلام محمد مہر کا کہنا ہے کہ میں خود بھی جمناسٹ رہا ہوں اور کھلاڑیوں کو جمپ کرنے سے پہلے اس بات کو یقینی بنالینا چاہیے کہ گدوں میں خلا نہ ہوجبکہ کھلاڑیوں کیلئے گدے کو ٹھیک طرح سے رکھنا ٹیکنیکل سٹاف کی ذمہ داری ہوتی ہے۔ سارا سامان نیشنل کوچنگ سینٹر کا ہے جو وفاق کے ماتحت ہے جبکہ ہم اسی بات کا رونا رو رہے ہیں کہ ہمارا سینٹر ہمیں واپس ملنا چاہیے تاکہ ہم اسے بہتر طریقے سے چلا سکیں۔ اگر کھلاڑیوں کے سامان میں کسی قسم کی کمی نظر آئے تو اس کے جوابدہ ہم ہیں لیکن این سی سی وفاق کے ماتحت ادارہ ہے تاہم خود متعلقہ لوگوں کے سامنے این سی سی کیخلاف ایکشن لوں گا۔