فیصل آباد: لائن کراس کرتے 35 سالہ نامعلوم شخص ٹرین کے نیچے آ کر جاں بحق
فیصل آباد (نمائندہ خصوصی) ریلوے لائن کراس کرتے 35 سالہ نامعلوم شخص ٹرین تلے آ کر جاں بحق ہو گیا۔ تفصیلات کے مطابق کچی آبادی ریلوے پھاٹک نمبر 11 کے قریب نامعلوم 35سالہ شہری ریلوے لائن کراس کرتے ہوئے ٹرین تلے آ کر کچلا گیا جس کی تاحال شناخت نہ ہو سکی۔ پولیس نے نعش قبضہ میں لیکر قانونی کارروائی شروع کر دی۔ پولیس نے اسکی شناخت کے لئے قریبی مساجد میں اعلانات بھی کروائے تاہم ابھی تک اسکے ورثاء کا سراغ نہ مل سکا۔
