سید خاور شاہ میموریل بیس بال اور سافٹ بال کے نمائشی میچ کل کھیلے جائیں گے
اسلام آباد (اے پی پی) اسلام آباد اولمپک ایسوسی ایشن کے زیراہتمام سید خاور شاہ میموریل بیس بال اور سافٹ بال کے نمائشی میچ کل بدھ پاکستان سپورٹس میں کھیلے جائیں گے۔ پاکستان بیس بال فیڈریشن کے صدر سید فخر علی شاہ مہمان خصوصی ہونگے اسلام آباد اولمپک ایسوسی ایشن کے محمد رمضان قصوری نے بتایا کہ، بیس بال کا بوائز میچ اسلام آباد گرین اور اسلام آباد وائٹس کی ٹیموں کے درمیان صبح دس بجے کھیلا جائے گا۔ سافٹ بال گرلز کا میچ اسلام آباد گرین اور اسلام آباد وائٹس کی ٹیموں کے شام چار بجے کھیلا جائے گا۔
