لاہور(سپورٹس رپورٹر+نمائندہ سپورٹس) پاکستان یوتھ ٹیم نے ایشین یوتھ اولمپک کوالیفائر میں سنگاپور اور کمبوڈیا کی ٹیموں کو شکستوں سے دو چار کر دیا۔ پہلا میچ سنگاپور یوتھ ٹیم کے ساتھ تھا جس میں پاکستان ٹیم نے پانچ صفر سے کامیابی حاصل کی۔ اس میچ میں مرتضٰی یعقوب نے ہیٹ ٹرک بنائی۔ پاکستان یوتھ ٹیم کا دوسرا میچ کمبوڈیا کے خلاف تھا جس میں پاکستان ٹیم نے 20-0 سے کامیابی اپنے نام کی۔ اس میچ میں پاکستان کے حماد انجم نے چھ، کپتان وقاص احمد نے چار، مرتضٰی یعقوب، ذوالقرنین، محسن خان نے تین تین جبکہ محب اﷲ نے ایک گول سکور کیا۔