فیصل آباد‘ تاندلیانوالہ: ٹرک ڈالہ تصادم، ٹریکٹر کی ٹکر سے 2موٹرسائیکل سوار سمیت 4افراد جاں بحق
فیصل آباد‘ تاندلیانوالہ، جڑانوالہ، بچیانہ (نمائندہ خصوصی+ نمائندہ نوائے وقت+ نامہ نگاران) ٹرک ڈالہ تصادم اور ٹریکٹر ٹرالی سے ٹکرانے پر 2موٹرسائیکل سواروں سمیت 4افراد جاں بحق‘ ایک زخمی ہوگیا۔ نصیر احمد سکنہ 373گ۔ب بوریوالا اور محمود سکنہ فاروق آباد مزدا پر مرغیاں لوڈ کر کے فیصل آباد سے براستہ جڑانوالہ لاہور جا رہے تھے کہ جڑانوالہ لاہور روڈ پر سیم کوارٹر کے نزدیک لوڈر مزدا ڈالے سے پیچھے سے ٹکرانے کے نتیجہ میں دو افراد موقع پر ہی جاں ہو گئے جن کی نعشیں تحصیل ہیڈکوارٹر ہسپتال پہنچا دی گئیں جبکہ ٹریفک حادثہ میں مرنے والا نصیر پانچ بچوں کا باپ تھا۔تاندلیانوالہ میںعلی الصبح مین شاہراہ قائد اعظم روڈ پر ون وے کی خلاف ورزی کرتی ریس لگاتی۔ تیز رفتار ٹرالی کی ٹکر سے موٹر سائیکل سوارپنڈی شیخ موسیٰ کے توقیر شاہ ولد خادم شاہ اور میاں چنوں کا رہائشی دوست قمر زمان جاں بحق ہوگئے۔ توقیر شاہ کا بیٹا ارقم شاہ شدید زخمی ہوگیا، شہریوں نے اپنی مدد آپ کے تحت نعشوں اور زخمیوں کو ہسپتال منتقل کیا۔ ٹریکٹر ٹرالی اور ڈرائیور کو پکڑ کر پولیس کے حوالے کردیا پولیس نے موقع پر پہنچ کر نعش قبضہ میں لے کر ضروری کاروائی شروع کردی۔ زخمی کی حالت تشویشناک ہے۔نعشیں گھروں میں پہنچنے کا علاقہ میں کہرام مچ گیا۔ واضح رہے کہ جائے حادثہ سے چند قدم پر ٹریفک وارڈن تعینات ہیں جو صرف اور صرف چالان کوٹا پورا کرکے چلے جاتے ہیں اور کسی قسم کی ٹریفک کے متعلق آگاہی فراہم نہ کررہے ہیں۔
