لاہور(پ ر) الخدمت فاؤنڈیشن کے کفالتِ یتامیٰ پروگرام کے تحت یتیم بچیوں کے اقامتی ادارے آغوش الخدمت شیخوپورہ کا سنگِ بنیاد رکھ دیاگیا۔ اس حوالے سے ایک پروقار تقریب کا انعقاد کیا گیا ۔تقریب کی صدارت الخدمت فاؤنڈیشن پاکستان کے سینئر نائب صدرسید احسان اللہ وقاص نے کی جبکہ الخدمت فاؤنڈیشن کے سیکرٹری جنرل ڈاکٹر مشتاق احمد مانگٹ، نویدہ انیس اور دیگرذمہ داران سمیت معززین علاقہ کی کثیر تعداد بھی موقع پر موجود تھی۔تقریب سے خطاب کرتے ہوئے سید احسان اللہ وقاص نے بتایاکہ آغوش الخدمت شیخوپورہ فار گرلز میںمجموعی طور پر 200یتیم بچیوں کو قیام و طعام، صحت و تعلیم اور ذہنی و جسمانی نشوونما کیلئے سازگار ماحول فراہم کیا جائیگا۔ 13کینال رقبہ پر مشتمل آغوش سنٹر کی تعمیر پر مجموعی طور پر 14کروڑ روپے لاگت آئے گی اور یہ دو سال میں مکمل ہوگا۔