اسلام آباد (آئی این پی) پیپلزپارٹی پارلیمنٹیرینز کے صدر آصف علی زرداری نے چیئرمین پیپلزپارٹی بلاول بھٹو زرداری کے تاریخ ساز جلسہ کرنے پر کراچی کے عوام کا شکریہ ادا کیا ہے۔ ایک پیغام میں آصف علی زرداری نے کہا یہ صرف کراچی شہر کا جلسہ تھا اور کراچی کے شہریوں نے جس بھرپور انداز میں جلسے میں شرکت کی کراچی کے عوام کو سلام کرتا ہوں۔ کراچی سے چلنے والی ہوا کی تازگی پورا ملک محسوس کرے گا۔ کراچی سے خیبر اور خیبر سے کوئٹہ تک جیالے جاگ چکے ہیں اور آئندہ انتخابات میں واضح فتح حاصل کریں گے۔ انہوں نے کہا کراچی کے پارٹی کارکنوں، جیالوں نے بھرپور طاقت کا مظاہرہ کیا۔ انہوں نے شاندار جلسہ کرنے پر پیپلزپارٹی کراچی ڈویژن کے صدر سعید غنی، کراچی کی تنظیم اور جیالوں کو شاباش دی۔
آصف زرداری