کراچی (صباح نیوز) رینجرز نے کراچی سمیت سندھ کے دیگر اضلاع میں رینجرز کے تمام رینکس کے یونیفارم کا پیٹرن تبدیل کردیا۔ نیا پیٹرن لاگو ہو گیا اور سندھ رینجرز کے افسران و جوان نئے یونیفارم میں ڈیوٹی دیں گے۔ رینجرز کی جانب سے شہریوں کی سہولت اور آسانی کے لئے نئے اور پرانے یونیفارمز کی تصاویر بھی شائع کی گئی ہیں جن میں رینجرز افسران کی نئی اور پرانی وردیوں کی شناخت واضح کی گئی ہے۔ نئی اور پرانی وردیوں کی تصاویر میں واضح کیا کہ پہلے رینجرز افسران کا رینک بیج کندھے پر ہوتا تھا لیکن نئی وردیوں میں رینک کا نشان آرمی یونیفارمز کی طرح سینے پر نمایاں ہوگا۔ ترجمان رینجرز نے عوام سے اپیل ہے کہ وہ نئے یونیفارم سے پہچان کے عمل کو یقینی بنائیں۔