شاہپورصدر ( نامہ نگار) شاہپور صدرکے قصبہ عاقل شاہ میں نامعلوم چور دیوار پھلانگ کر بیوہ کے گھر سے اس کی بیٹی کی شادی کے لئے تیار کیا گیا جہیز کا سامان ، نقدی اور سونا تین تولے چوری کر کے لے گئے۔ عاقل شاہ کے محنت کش مرحوم محمد حیات کی بیوہ اور بچے گھر سے باہر گئے ہوئے تھے کہ رات کو کسی وقت نامعلوم چور ان کے گھر میں گھس گئے اور تالہ توڑ کر کمرے میں گھس گئے اور پیٹیاں ، بکسے اور دیگر سامان کی تلاشی لی اور قیمتی سامان مالیتی دو لاکھ روپے چوری کر کے لے گئے۔ صبح اہل خانہ گھر واپس آئے اور گھر کا سامان بکھرا ہوا دیکھ کر پولیس ایمرجنسی کو کال کی جس پر پولیس موقع پر پہنچ گئی اور ٹوٹے ہوئے تالے قبضے میں لیکر کاروائی شروع کر دی۔