کراچی (کرائم رپورٹر) کورنگی میں مسلح افراد کی فائرنگ سے ایک شخص ہلاک‘ خاتون زخمی ہو گئی جبکہ اورنگی میں گھر سے ایک شخص کی جلی ہوئی لاش ملی ہے۔ کورنگی ساڑھے 5 میں دھوبی گھاٹ کے قریب فائرنگ کا واقعہ منگل کی سہ پہر پیش آیا جس میں 40 سالہ شاہد خان ولد موسیٰ خان ہلاک اور 50 سالہ مبینہ زوجہ معراج علی زخمی ہو گئی‘ فائرنگ کے بعد ملزمان فرار ہو گئے۔ پولیس کے مطابق فوری طور پر فائرنگ کی وجوہات اور ملزمان کا سراغ نہیں مل سکا ہے۔ مقتول شاہد کی لاش اور زخمی خاتون کو جناح اسپتال پہنچانے کے بعد تفتیش جاری ہے۔ دریں اثناء ادھر اورنگی ٹائون کے سیکٹر 13 گبول گوٹھ میں ایک مکان سے ایک شخص کی چار پانچ روز پرانی جلی ہوئی لاش ملی ہے جس کی فوری طور پر شناخت نہیں ہو سکی۔ پولیس نے لاش عباسی ہسپتال پہنچانے کے بعد تفتیش کا آغاز کر دیا ہے۔